Tazaad ( Urdu Nazam) By Waqas Hashmi

میرے شہر کی سڑکیں خون سے تر ہیں

ایسے میں، میں

تیرے گالوں کی سرخی کا ذکر کیسے کروں؟

میں کیسے،تیرے چاند چہرے کے

قصیدے لکھوں، کہ

جب میرے چاروں طرف 

اماوس چھائی ہو، دل بوجھل ہو

میں زرد گلابوں کی بستی میں ہوں 

میرے ارد گرد پھیلے تا حد نظر، زرد گلاب ہیں 

جب ان کے اداس چہروں پہ کرب کی چادر ، 

انکی مایوس آنکھوں سے ٹپکتے ان گنت سوال

سوال دیکھتا ہوں تو

میں تیرے لہجے کی کھنک

تیری شوخ ادائیں بھول جاتا ہوں 

تیرے ہونٹوں کے جام بہت پھیکے لگنے لگتے ہیں

جب میں فقیران بستی کو بوند بوند ترستے دیکھتا ہوں

تیری وہ میٹھی باتیں، جو کبھی

میرے کانوں میں رس گھولتی تھیں 

اب وہ دور کہیں

انکی چیخ و پکار میں دبتی جا رہی ہیں 

اوراب تو بارود آلودہ فضاؤں نے

تیری سانسوں کی مہک بھی بہت مدھم کر دی ہے

تیری زلفوں کی نرم چھاؤں کے تقدس کی قسم!

میں جب ان بے سرو سائبان ، بے سروسامانی میں

پڑے ہوئےلوگوں کو دیکھتا ہوں 

تو میں سوچتا ہوں

کہ کہاں ان کے داغ داغ جسموں پہ تار تار چیتھڑے 

کہا تیرے خوشنما بدن پہ سجی یہ زرق برق قبائیں

تو اسقدرشاد وہ اسقدر برباد کیوں ہیں؟

گرایک ہی بستی کے مکین ہیں

تو پھر، آپس میں اتنے تضاد کیوں ہیں ؟

Mere Shehar Ki Sarkain Khoon Se Tar Hian
Aise Main, Main
Tere Gaalon Ki Surkhi Ka Zikar Kaise Karon?
Main Kasie Tere Chand Chehre Ke
Qaseede Likhon
Jab Mere Charon Taraf Amawas Chae Ho
Dil Bhojal Ho....
Main Zard Gulabon Ki Basti Main Hon
Mere Ird Gird Phaile 

Ta Had-E-Nazar , Zard Gulaab Hain
Jab Inke Udas Chehron Pe Karab Ki Chadar
Inki Mayoos Ankhon Se Tapakte An Ginat Sawal
Daikhta Hon To
Main Tere Lehje Ki Khnak
Tere Sab Shokh Adaain Bhool Jata Hon
Tere Honton Ke Jaam Bohat Pheeke Lagne Lagte Hian
Jab Main Faqeeran-E-Basti Ko

Boond Boond Taraste Dekhta Hon
Tere Woh Meethi Batain , Jo Kabhi
Mere Kanon Main Ras Gholti The
Ab Woh Door Kahin
Inki Cheekho Pukar Main Dabti Jaa Rahi Hian
Aur Ab To In Barood Alooda Fazaaon Ne
Tere Sanson Ki Mehak Bhi Bohat Madham Kar Di Hia
Tere Zulfon Ke Naram Chaon Ke Taqadas Ki Qasam!
Main Jab In Besaro Saibaan, Be Saro Saamaani Main
Pare Hue Logo Ko Dekhta Hon
To Main Sochta Hon
Ke Kaha Inke Daag Daag Jismon Pe 

Taar Taar Cheethrey
Kaha Tere Khushnuma Badan Pe Saji 

Yeh Zaraq Baraq Qabaain
Tu Iss Qadar Shaaad

Woh Iss Qadaar Barbaad Kyun Hian ?
Gar Ek Ae Basti Ke Hian Makeen
To Phir, Apas Main Itne Tazdaad Kyun Hian ? 

 

The purpose of this poem is to highlight the difference  between rich class and poor class.it can also be named as comparison of Islamabad and rest of Pakistan.

Poet: Waqas Hashmi
date: 14-01-2012